உசிலம்பட்டியில் பைக் திருடர்கள் இருவர் கைது

மதுரை மாவட்டம் உசிலம்பட்டி நகர் காவல் நிலையப்போலிசார் நேற்று இரவில் பேரையூர் ரோட்டில் ரோந்துப்பணியில் ஈடுபட்டுக் கொண்டிருந்தனர்.அப்போது சந்தேகத்திற்கிடமான முறையில் இருசக்கர வாகனத்தில் வந்த இளைஞர்களை பிடித்து விசாரணை செய்ததில் அவர்கள் இருசக்கர வாகனம் திருடி வந்தது தெரிய வந்தது.

இது தொடர்பாக தேனி மாவட்டத்தைச் சேர்ந்த அஸ்கர்(19) ராகுல்(20) ஆகிய இருவரை கைது செய்தனர்.விசாரணையில் இவர்கள் உசிலம்பட்டி அருகே வலையபட்டி கிராமத்தைச் சேர்ந்தவர் ரவிக்குமார் வீட்டின் முன் நிறுத்தி வைக்கப்பட்டிருந்த இரு சக்கர வாகனத்தை நள்ளிரவில் திருடி வந்தது தெரிய வந்தது.இது குறித்து மேலும் விசாரணை செய்து வருகின்றனர்.