பைக்கில் சென்று ஆடு திருடிய 2 பேர் கைது

தூத்துக்குடி மாவட்டம் கயத்தாறு அருகே மோட்டார் பைக்கில் சென்று ஆடு திருடிய 2 வாலிபர்களை போலீசார் கைது செய்தனர். இதுகுறித்து போலீஸ் தரப்பில் கூறப்படுவதாவது : தூத்துக்குடி மாவட்டம், கயத்தாறு அருகே உள்ள தெற்கு ஆத்திகுளம் மேலத்தெரு விஜயராஜ் மகன் முத்துப்பாண்டி (37). இவர் விவசாயம் மற்றும் ஆடு மேய்த்தல் தொழில் செய்து வருகிறார். இவர், சுமார் 50-க்கும் மேற்பட்ட செம்மறி ஆடுகளை வைத்து மேய்த்து வருகிறார். இவரது தோட்டத்தில் உள்ள ஆட்டுத்தொழுவத்தில் ஆடுகளை அடைத்து வைப்பது வழக்கம். இந்த நிலையில் நேற்று மாலையில் ஆடுகளை மேய்த்து வந்த அவர், இரவு 7 மணிக்கு ஆட்டு தொழுவில் அடைத்து விட்டு வீட்டிற்கு சென்றுவிட்டார். நள்ளிரவில் தொழுவில் இருந்து ஆடுகள்ஞ் கத்தும் சத்தம் கேட்டு அக்கம் பக்கத்தினருடன் அவர் சென்றுள்ளார். அப்போது 2 வாலிபர்கள் ரூ. 8ஆயிரம் மதிப்புள்ள செம்மறி ஆட்டை திருடிக் கொண்டு மோட்டார் சைக்கிளில் தப்பி சென்று விட்டனர். இதுகுறித்து அவர் அளித்த புகாரின் பேரில், கயத்தாறு போலீஸ் சப்-இன்ஸ்பெக்டர் காசிலிங்கம் வழக்கு பதிவு தங்கள் செய்து அந்த 2 வாலிபர்களையும் பிடித்தனர். அவர்களிடம் இருந்து ஆட்டை மீட்ட போலீசார் நடத்திய விசாரணையில், அவர்கள், வடக்கு இலந்தைகுளம் மாரிமுத்து மகன் மணிகண்டன் (21),அதே ஊரைச் சேர்ந்த பூல்பாண்டி(29) என தெரியவந்தது. தொடர்ந்து அந்த 2 பேரையும் போலீசார் கைது செய்தனர்.