வடுகப்பட்டியில் பணம் வைத்த சூதாடிய இருவர் கைது.

கரூர் மாவட்டம், அரவக்குறிச்சி காவல் எல்லைக்குட்பட்ட பகுதிகளில், பணம் வைத்து சூதாடுவதாக காவல் உதவி ஆய்வாளர் திருநாவுக்கரசுக்கு தகவல் கிடைத்தது. தகவலின் அடிப்படையில் மே 26 ஆம் தேதி மதியம் 3 மணி அளவில், வடுகப்பட்டி பகுதியில் ரோந்து பணியில் ஈடுபட்டிருந்தார். அப்போது அப்பகுதியில் உள்ள ஒரு முள் காட்டில் பணம் வைத்து சூது ஆடுவது கண்டறியப்பட்டது.

இந்த சூதாட்டத்தில் ஈடுபட்ட வடுகப்பட்டி பகுதியைச் சேர்ந்த வடிவேல், ரஞ்சித் குமார் ஆகிய இருவரையும் கைது செய்து, அவர்கள் சூதாட பயன்படுத்திய சூதாட்ட அட்டைகளையும் ரூபாய் 200 ஐயும் பறிமுதல் செய்தனர். பின்னர் இருவர் மீதும் வழக்கு பதிவு செய்த காவல்துறையினர் அவர்களை காவல் நிலைய பனையில் விடுவித்து நடவடிக்கை மேற்கொண்டனர் அரவக்குறிச்சி காவல்துறையினர்.