கல்குவாரி குட்டையில் மூழ்கி இருவர் உயிரிழப்பு

புதுக்கடை அருகே கீழ்குளம் பகுதியில் தண்டுமணி பகுதி உள்ளது. இங்குள்ள கல்குவாரியில் பாறைகள் பல வருடங்களாக உடைப்பதால் உருவான குளம் உள்ளது. இந்த பகுதியில் நேற்று பனங்கால்முக்கு பகுதியை சேர்ந்த ராஜேஷ் ,ஜெகன்ராஜ் ஆகியோர் ஆட்டோவில் தண்டுமணிக்கு சென்றுள்ளனர்.பின்னர் அந்த இடத்தில் உள்ள குளத்தில் குளிக்க சென்றுள்ளனர். தொடர்ந்து அவர்கள் இருவரும் பாறை குளத்தில் இறங்கி குளிக்க முயற்சித்த போது கால் தவறி குளத்தின் உள்ளே விழுந்ததில் இருவரும் மூழ்கியுள்ளனர்.

மாலையில் அந்த பகுதியில் உள்ளவர்கள் இதை கண்டு புதுக்கடை போலீசாருக்கு தகவல் தெரிவித்தனர். அப்போது இரவு ஆனதால் மீட்பு பணிகள் நடத்த முடியவில்லை. இதையடுத்து குழித்துறை தீயணைப்பு துறையினருக்கு தகவல் தெரிவிக்கப்பட்டு, தீயணைப்பு வீரர்கள் இன்று காலை குளத்தில் மூழ்கி உயிரிழந்த ராஜேஷ், ஜெகன் ஆகியோர் உடல்களை மீட்டனர். இருவர் உடல்களும் ஆசாரிபள்ளம் அரசு மருத்துவ கல்லூரி ஆஸ்பத்திரிக்கு அனுப்பி வைக்கப்பட்டது. புதுக்கடை போலீசார் வழக்கு பதிவு செய்து விசாரித்து வருகின்றனர்.