மயானம் அருகே பணம் வைத்து சூதாடிய இருவர் கைது

மயானம் அருகே பணம் வைத்து சூதாடிய இருவர் கைது. ரூபாய் 200 பறிமுதல். கரூர் மாவட்டம், அரவக்குறிச்சி காவல் நிலைய எல்லைக்குட்பட்ட, வடுகப்பட்டி, அம்மா பார்க் பகுதியில் பணம் வைத்து சூது ஆடுவதாக, காவல் உதவி ஆய்வாளர் பெரியசாமிக்கு தகவல் கிடைத்தது. இந்த தகவலின் அடிப்படையில், டிசம்பர் 17ஆம் தேதி இரவு 7 மணி அளவில், வடுகப்பட்டி அம்மா பார்க் அருகே ரோந்து பணியில் ஈடுபட்டார். அப்போது, அருகில் உள்ள மயானம் பகுதியில் பணம் வைத்து சூதாடுவது கண்டுபிடிக்கப்பட்டது. இந்த சூதாட்டத்தில் ஈடுபட்ட, கொக்கம்பட்டி பொம்முராஜ் மகன் வெள்ளையன் என்கிற முருகேசன், அரவக்குறிச்சி வடுகப்பட்டி, ஆறு ரோடு பகுதியைச் சேர்ந்த செல்வம் என்பவரும் பணம் வைத்து சூதாடியது கண்டுபிடிக்கப்பட்டது. இருவரையும் கைது செய்து, சூதாட பயன்படுத்திய 52 சூதாட்ட அட்டைகள், ரூபாய் 200-ஐ பறிமுதல் செய்தனர். இருவர் மீதும் வழக்கு பதிவு செய்து, காவல் நிலைய பினையில் விடுவித்து நடவடிக்கை மேற்கொண்டனர் அரவக்குறிச்சி காவல் துறையினர்.