சேலத்தில் சிகரெட் கேட்டதில் தகராறு இருவர் கைது

சேலம் செட்டிச்சாவடி வெற்றி தோட்டம் பகுதியைச் சேர்ந்தவர் சுரேந்திரன் (24). இவர் நேற்று முன்தினம் இரவு செட்டிச்சாவடியில் உள்ள வெல்டிங் பட்டறை பகுதியில் நின்றிருந்தார். அப்போது அவ்வழியாக 4பேர் வந்தனர். அவர்களிடம் சுரேந்திரன் சிகரெட் கேட்டுள்ளார். இதில் தகராறு ஏற்பட்டு 4பேரும் சேர்ந்து சுரேந்திரனை உருட்டுக்கட்டையால் தாக்கினர். இதில் பலத்த காயம் அடைந்த அவர் சேலம் அரசு ஆஸ்பத்திரியில் சேர்க்கப்பட்டார். இதுபற்றிய புகாரின் பேரில் கன்னங்குறிச்சி போலீசார் விசாரணை நடத்தினர். இதில் சுரேந்திரனை தாக்கியது செட்டிச்சாவடியைச் சேர்ந்த பிரசாந்த், சிவா, தனமூர்த்தி, சதீஷ் என்பது தெரியவந்தது. இதையடுத்து அவர்கள் மீது 4 பிரிவின் கீழ் வழக்குப்பதிவு செய்து சிவா (31), தனமூர்த்தி (30) ஆகியோரை போலீசார் கைது செய்தனர். விசாரணைக்கு பின் அவர்களை கோர்ட்டில் ஆஜர்படுத்தி சிறையில் அடைத்தனர். தலைமறைவாக உள்ள பிரசாந்த், சதீஷ் ஆகியோரை தேடி வருகின்றனர்.