பணம் வைத்து சூதாடிய இருவர் கைது

கரூர் மாவட்டம், தென்னிலை காவல் நிலைய எல்லைக்கு உட்பட்ட பகுதியில், பணம் வைத்து சூது ஆடுவதாக பெண் காவல் உதவி ஆய்வாளர் பிரியதர்ஷினிக்கு தகவல் கிடைத்தது. தகவலின் அடிப்படையில் மே 25ஆம் தேதி இரவு 8:30- மணி அளவில், அருகில் உள்ள மீனாட்சி வலசு பகுதியில் ரோந்து பணியில் ஈடுபட்டார்.

அப்போது, அப்பகுதியில் பணம் வைத்து சூதாடுவது கண்டுபிடிக்கப்பட்டது. இந்த சூதாட்டத்தில் ஈடுபட்ட தென்னிலை, ஸ்ரீராம் கிரசர் பகுதியைச் சேர்ந்த ஆனந்தராஜ் வயது 29, அதே பகுதியைச் சேர்ந்த வெங்கடாசலம் வயது 39 ஆகிய இருவரையும் கைது செய்தனர். அவர்கள் சூதாட பயன்படுத்திய சூதாட்ட அட்டைகளையும், ரூபாய் 200 ஐயும் பறிமுதல் செய்த காவல்துறையினர், இருவர் மீதும் வழக்கு பதிவு செய்து, பின்னர் அவர்களை காவல் நிலைய பினையில் விடுவித்து நடவடிக்கை மேற்கொண்டனர் தென்னிலை காவல் துறையினர்.