டூவீலர் மீது, கார் மோதியதில் இருவர் பலத்த காயம் l

நாமக்கல் மாவட்டம் குமாரபாளையம் காந்தி நகரில் வசிப்பவர் மதியழகன், (52), ஆட்டிறைச்சி தொழில். இவர் நேற்றுமுன்தினம் காலை 07:00 மணியளவில், தனது டி.வி.எஸ். எக்ஸல் வாகனத்தில், கூலித்தொழிலாளி முனியப்பன், (48), என்பவரை உட்கார வைத்துக்கொண்டு சேலம் கோவை புறவழிச்சாலையில் பல்லக்காபாளையம் பகுதி தனியார் மருத்துவமனை அருகே செல்லும் போது, எதிரில் வேகமாக வந்த ஹோண்டா சிட்டி கார் மோதியதில், இருவரும் பலத்த காயமடைந்தனர். இருவரும் பவானி தனியார் மருத்துவமனையில் சிகிச்சைக்காக சேர்க்கப்பட்டனர். இது குறித்து வழக்குப்பதிவு செய்த குமாரபாளையம் போலீசார் கார் ஓட்டுனர் பெருந்துறையை சேர்ந்த ஹனந்த்ஹரி, (23), என்பவரை கைது செய்தனர்.