சேலம் வழியே செல்லும் இரண்டு ரயில்கள் ரத்து

திருப்பத்தூர்- பங்காருபேட்டை ரயில்வே மார்க்கத்தில் ரயில்வே மேம்பால பணி நடக்கிறது. இதனால் இவ்வழியே இயங்கும் சில ரயில்களின் இயக்கத்தில் ரயில்வே நிர்வாகம் மாற்றத்தை ஏற்படுத்தியுள்ளது. இதன்படி எர்ணாகுளம்-பெங்களூர் எக்ஸ்பிரஸ் (12683) வரும் 11ஆம் தேதியும், மறு மார்க்கத்தில் இயங்கும் பெங்களூரு-எர்ணாகுளம் எக்ஸ்பிரஸ் (12684) வரும் 12ஆம் தேதியும் முழுமையாக ரத்து செய்யப்பட்டுள்ளது. இதேபோல் பெங்களூரு- கன்னியாகுமரி எக்ஸ்பிரஸ் (16526) வரும் 12ஆம் தேதி மாற்று பாதையாக பெங்களூருக்கு அடுத்த ஓசூர், தர்மபுரி, சேலம் வழியே இயக்கப்படுகிறது. கிருஷ்ணராஜபுரம், ஒயிட்ஃபீல்டு, மாலூர், பங்காருபேட்டை, குப்பம், திருப்பத்தூர் ரயில்வே ஸ்டேஷனுக்கு செல்லாது. இத்தகவலை சேர்ந்த ரயில்வே கோட்ட நிர்வாகம் தெரிவித்துள்ளது.