டூ வீலர் விபத்து - வாலிபர் உயிரிழப்பு!

வேலூர் மாவட்டம் பள்ளிகொண்டா அடுத்த அகரம்சேரி பகுதியை சேர்ந்தவர் சங்கீத்குமார். இவரது நண்பர் இறைவன்காடு பகுதியை சேர்ந்த செல்வகுமார். இருவரும் விரிஞ்சிபுரம் நோக்கி டூவீலரில் சென்னை பெங்களூர் தேசிய நெடுஞ்சாலையில் சென்று கொண்டிருந்துள்ளனர். பொய்கை ஆரம்ப சுகாதார நிலையம் எதிரே அதிவேகமாக சென்று கொண்டிருந்தபோது, டூவீலர் நிலை தடுமாறி சாலையின் ஓரம் உள்ள இரும்பு தடுப்பில் மோதி பதில் சங்கீத்குமார் சம்பவ இடத்திலேயே உயிரிழந்த நிலையில் செல்வகுமார் வேலூர் அரசு மருத்துவமனையில் சிகிச்சை எடுத்து வருகிறார். பின்னர், உயிரிழந்த சங்கீத்குமாரின் உடலை விரிஞ்சிபுரம் காவல் நிலைய போலீசார் மீட்டு, பிரேத பரிசோதனைக்காக வேலூர் அரசு மருத்துவமனைக்கு அனுப்பி வைத்து விசாரணை நடத்தி வருகின்றனர்.