இருசக்கர வாகன விபத்தில் காயமடைந்தவர் உயிரிழப்பு.

கன்னியாகுமரி மாவட்டம் புதுக்கடை அருகே அனந்தமங்கலம் பகுதி செம்பருத்திகுளம் என்ற இடத்தை சேர்ந்தவர் மணி மகன் ராஜகுமார்.குழித்துறை தாலுகா அலுவலகத்தில் புகார் மனுக்கள் எழுதிக் கொடுக்கும் தொழில் செய்து வந்தார். சம்பவத்தன்று பைக்கில் புதுக்கடை பகுதியில் சென்று கொண்டிருந்தார். அப்போது பின்னால் வேகமாக வந்த மற்றொரு பைக் ராஜகுமரின் பைக்கில் மோதியது.இதில் தூக்கி வீசப் பட்ட அவருக்கு தலையில் பலத்த காயம் ஏற்பட்டு சுய நினைவு இழந்தார்.

அவரை அக்கம் பக்கத்தினர் மீட்டு அவரை ஆசாரிபள்ளம் அரசு மருத்துவ கல்லூரி ஆஸ்பத்திரியில்சிகிச்சைக்கு சேர்த்தனர். அங்கிருந்து திருவனந்தபுரம் பகுதியில் உள்ள ஒரு தனியார் ஆஸ்பத்திரியில் மேல் சிகிச்சைக்கு அனுமதித்தனர்.அங்கு சிகிச்சை பலனின்றி நேற்று உயிரிழந்தார். விபத்து ஏற்படுத்திய தொலையாவட்டம் பகுதி வில்சன் மகன் விஜின் என்பவர் மீது புதுக்கடை போலீசார் வழக்கு பதிவு செய்து விசாரித்து வருகின்றனர்.