இருசக்கர வாகன விபத்து - ஒருவர் பலி!

திருவண்ணாமலை மாவட்டம் வந்தவாசி கோட்டைத் தெருவைச் சேர்ந்த மணிமுத்து (42) இரு சக்கர வாகனத்தில் மேல்மருவத்தூருக்கு சென்று கடைக்கு தேவையான விளையாட்டுப் பொருள்களை வாங்கிக் கொண்டு ஊர் திரும்பி கொண்டிருந்தார். வந்தவாசி-மேல்மருவத்தூர் சாலை அருகே வந்து கொண்டிருந்த போது நிலைத்தடுமாறி இருசக்கர வாகனத்திலிருந்து மணிமுத்து கீழே விழுந்தார் . இதில் படுகாயமடைந்த அவரை சிகிச்சைக்காக செங்கல்பட்டு அரசு மருத்துவமனையில் அனுமதித்த நிலையில் அங்கு சிகிச்சை பலனின்றி பரிதாபமாக உயிரிழந்தார். இதுகுறித்து வந்தவாசி போலீசார் விசாரணை நடத்தி வருகின்றனர்.