டூவீலர் மீது கார் மோதி விபத்து - வாலிபர் படுகாயம்.

ஈரோடு மாவட்டம், சிவகிரி, கந்தசாமி பாளையம் அருகே பச்சை கவுண்டன் வலசு பகுதியைச் சேர்ந்தவர் கவியரசன் 31. இவர் கடந்த 24ஆம் தேதி காலை 10:30 மணி அளவில் கரூர்- கோவை சாலையில் அவரது டூவீலரில் சென்று கொண்டு இருந்தார். இவரது டூவீலர் பேரக்கம்பாளையம் பிரிவு அருகே சென்றபோது, அதே சாலையில், அதே திசையில் வந்த, திருப்பூர் மாவட்டம், காங்கேயம், அகிலாண்டபுரம் பகுதியைச் சேர்ந்த முருகேசன் என்பவர், வேகமாகவும், அஜாக்கிரதையாகவும் ஓட்டி வந்த கார், கவியரசன் டூவீலர் மீது மோதி விபத்து ஏற்பட்டது. இதில் வாகனத்துடன் கீழே விழுந்த கவியரசனுக்கு தலை, வலது, இடது கால்கள், வலது கை உள்ளிட்ட பகுதிகளில் பலத்த காயங்கள் ஏற்பட்டதால், உடனடியாக அவரை மீட்டு, தனியார் ஆம்புலன்ஸ் மூலம் கரூரில் உள்ள தனியார் மருத்துவமனையில் சிகிச்சைக்காக அனுமதித்தனர். இந்த சம்பவம் அறிந்த கவியரசன் உறவினர் மணி என்பவர், இது தொடர்பாக தென்னிலை காவல் நிலையத்தில் அளித்த புகாரின் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர், காரை வேகமாக ஓட்டி விபத்து ஏற்படுத்திய முருகேசன் மீது வழக்கு பதிவு செய்துள்ளனர்.