இருசக்கர வாகனம் கார் நேருக்கு நேர் மோதல்

கரூர் மாவட்டம் புகலூர் தாலுகா மூலிமங்கலம் காமராஜர் நகர் பகுதியைச் சேர்ந்தவர் குணசேகரன் வயது 56. இவர் அக்டோபர் 25ஆம் தேதி மாலை 6:45 மணி அளவில் ஆண்டிபாளையத்தில் இருந்து மூலியமங்கலம் செல்லும் சாலையில் அவருக்கு சொந்தமான டூவீலரில் சென்று கொண்டிருந்தார். அப்போது,மூலிமங்கலம் பகுதியைச் சேர்ந்த வள்ளியாத்தாள் தென்னந்தோப்பு அருகே வந்த போது, எதிர் திசையில் வேகமாக வந்த டி.எண். 47 பி.ஒய். 9798 என்ற எண் கொண்ட கார், டூவீலர் மீது நேருக்கு நேராக மோதி விபத்து ஏற்பட்டது. இந்த விபத்தில் வாகனத்துடன் கீழே விழுந்த குணசேகரனுக்கு முன்நெற்றி மற்றும் வலது காலில் பலத்த காயம் ஏற்பட்டதால், உடனடியாக அவரை மீட்டு தனியார் ஆம்புலன்ஸ் மூலம் கோவையில் உள்ள கங்கா மருத்துவமனையில் சிகிச்சைக்காக அனுமதித்தனர். இந்த சம்பவம் தொடர்பாக குணசேகரின் மகன் ஆனந்தன் வயது 37 என்பவர், இது தொடர்பாக வேலாயுதம்பாளையம் காவல் நிலையத்தில் அளித்த புகாரின் பேரில், சம்பவ இடத்திற்கு சென்று விசாரணை மேற்கொண்ட காவல்துறையினர், காரை வேகமாக ஓட்டி விபத்து ஏற்பட காரணமான கார் டிரைவர் மீது அக்டோபர் 26 ஆம் தேதி வழக்கு பதிவு செய்துள்ளனர். மேலும், இது குறித்து விசாரணை மேற்கொண்டு வருகின்றனர் வேலாயுதம்பாளையம் காவல்துறையினர்.