டூவீலர் சரக்கு வாகனம் நேருக்கு நேர் மோதி விபத்து !

டூவீலர் சரக்கு வாகனம் நேருக்கு நேர் மோதி விபத்து- கணவன் உயிரிழப்பு. மனைவி படுகாயம். கரூர் மாவட்டம், புகலூர் தாலுகா, மேற்கு காட்டூர் பகுதியைச் சேர்ந்தவர் ஜோதி வேலாயுதம் வயது 58. இவரது மனைவி ஜெயந்தி வயது 50. இவர்கள் இருவரும் ஏப்ரல் 12ஆம் தேதி காலை 8 மணி அளவில், தவிட்டுப்பாளையத்தில் இருந்து புகலூர் செல்லும் சாலையில் அவர்களது டூவீலரில் சென்று கொண்டு இருந்தனர். இவர்களது வாகனம் அந்த சாலையில் உள்ள தயாநிதி என்பவரது வீட்டின் அருகே சென்ற போது, திண்டுக்கல் மாவட்டம், வேடசந்தூர், குஜிலியம்பாறை, காளியம்மன் கோவில் தெருவை சேர்ந்த சிவகுமார் வயது 24 என்பவர், வேகமாகவும் அஜாக்கிரதையாகவும் ஓட்டி வந்த டாடா ஏஸ் வாகனம் நேருக்கு நேர் மோதி விபத்து ஏற்பட்டது. இந்த விபத்தில் ஜோதி வேலாயுதத்திற்கு தலை, மார்பு,வலது, இடது கால்களில் பலத்த காயம் ஏற்பட்டதால், சம்பவ இடத்திலேயே துடி துடித்து உயிரிழந்தார். இவரது மனைவிக்கு தலை, மார்பு, முன்நெற்றி பகுதிகளில் காயம் ஏற்பட்டதால், உடனடியாக அவரை மீட்டு, கரூர் அப்போலோ மருத்துவமனையில் சிகிச்சைக்காக அனுமதித்தனர். உயிரிழந்த ஜோதி வேலாயுதத்தின் உடலை மீட்டு, உடற்கூறு ஆய்வுக்காக கரூர் அரசு மருத்துவக் கல்லூரி மருத்துவமனைக்கு அனுப்பி வைத்தனர். மேலும் இந்த சம்பவம் தொடர்பாக ஜோதி வேலாயுதத்தின் உறவினர் ஜீவரத்தினம் வயது 26 என்பவர், அளித்த புகாரின் பேரில், சம்பவ இடத்திற்கு சென்று விசாரணை மேற்கொண்ட காவல்துறையினர், இது தொடர்பாக சரக்கு வாகனத்தை வேகமாகவும், அஜாக்கிரதையாகவும் ஓட்டி விபத்து ஏற்படுத்திய சிவக்குமார் மீது வழக்கு பதிவு செய்துள்ளனர் வேலாயுதம்பாளையம் காவல்துறையினர்.