கணவன் மனைவி மீது டூவீலர் மோதி விபத்து

கனகபுரி ஓடை பஸ் ஸ்டாப் - சாலையை கடக்க முயன்ற கணவன் மனைவி மீது டூவீலர் மோதி விபத்து. இருவர் படுகாயம். கரூர் மாவட்டம், அரவக்குறிச்சி தாலுகா, தாளப்பட்டி அருகே உள்ள கரைப்பாளையம் பகுதியைச் சேர்ந்தவர் குமார் வயது 63.இவரது மனைவி வளர்மதி வயது 60. இவர்கள் இருவரும் மே 20 ஆம் தேதி இரவு 7:30- மணி அளவில், திண்டுக்கல் - கரூர் சாலையில் உள்ள கனகபுரி ஓடை பஸ் ஸ்டாப் அருகே, சாலையை நடந்து கடக்க முயன்றுள்ளனர். அப்போது, அவ்வழியில் டூவீலரில் வேகமாக வந்த கார்த்திகேயன் என்பவர், நடந்து சென்ற குமார் வளர்மதி தம்பதிகள் மீது மோதி விபத்து ஏற்பட்டது. இதில் இருவருக்கும் பலத்த காயங்கள் ஏற்பட்டது. வளர்மதியை கரூர் அரசு மருத்துவக் கல்லூரி மருத்துவமனையிலும்,குமாரை திருச்சி அரசு மருத்துவமனையிலும் தனியார் ஆம்புலன்ஸ் மூலம் சிகிச்சைக்கு கொண்டு சென்று அனுமதித்தனர். இந்த சம்பவம் தொடர்பாக வளர்மதி அளித்த புகாரில், சம்பவ இடத்துக்கு சென்று விசாரணை மேற்கொண்ட காவல்துறையினர், டூவீலரை கவன குறைவாகவும், வேகமாகவும் ஓட்டி, விபத்து ஏற்படுத்திய கார்த்திகேயன் மீது வழக்கு பதிவு செய்துள்ளனர் அரவக்குறிச்சி காவல்துறையினர்.