பட்டப் பகலில் இருசக்கர வாகனம் திருட்டு

நாமக்கல் மாவட்டம் பள்ளிபாளையம் திருச்செங்கோடு சாலை ஜீவா செட் என்ற பகுதியில் அரசு மதுபான கடை செயல்பட்டு வருகிறது. இந்நிலையில் நேற்று காலை அரசு மதுபான கடைக்கு பள்ளிபாளையத்தை சேர்ந்த தொழிலாளி பெருமாள் என்பவர் தனது அன்றாட பணிகளை முடித்துவிட்டு மது குடிப்பதற்காக தனது இரு சக்கர வாகனத்தில் சென்றவர். தனது எக்ஸெல் இரு சக்கர வாகனத்தை கடை முன்பு நிறுத்திவிட்டு மதுவாங்கச் சென்றுவிட்டார். அப்பொழுது அதை நோட்டமிட்ட சுமார் 50 வயது மதிக்கத்தக்க முதியவர் ஒருவர் இரு சக்கர வாகனத்தின் அருகே சென்று லாவகமாக வாகனத்தின் பூட்டை உடைத்து திருடி சென்றார். கடையின் வெளியே வந்து தொழிலாளி பெருமாள் பார்த்தபோது தனது வாகனம் திருட்டு போனதை கண்டு அதிர்ச்சி அடைந்தார். இதனையடுத்து மதுபான கடையில் வைக்கப்பட்டிருந்த சிசிடிவி காட்சிகளின் அடிப்படையில் பள்ளிபாளையம் காவல் நிலையத்தில் அளித்த புகாரின் அடிப்படையில் பள்ளிபாளையம் போலீசார் வாகனம் திருட்டு குறித்து விசாரணை மேற்கொண்டு வருகின்றனர். பட்டப் பகலில் இருசக்கர வாகனம் திருடப்பட்ட சம்பவம் பள்ளிபாளையம் வட்டாரத்தில் பரபரப்பை ஏற்படுத்தியுள்ளது..