டூ வீலர் திருட்டு - சிசிடிவியில் சிக்கிய வாலிபர்

நாகப்பட்டினம் மாவட்டம் நாகப்பட்டினம் அரசு மருத்துவக் கல்லூரி மருத்துவமனையில் சிகிச்சை பெறும் நோயாளிகளை பார்க்க உறவினர்கள் இரண்டு சக்கர வாகனத்தில் வந்து செல்வார்கள் மேலும் மருத்துவமனையில் பணிபுரியும் ஊழியர்கள் இரண்டு சக்கர வாகனங்களில் வருவார்கள். இவ்வாறு வருவோர்களிடமிருந்து இரண்டு சக்கர வாகனத்தை மர்ம நபர்கள் திருடி வருவதாக புகார் வந்தது. இதையடுத்து நாகை மாவட்ட காவல் கண்காணிப்பாளர் ஹர்ஷ் சிங் உத்தரவின் பேரில் தனிபடை போலீசார் அங்குள்ள கண்காணிப்பு கேமராக்கள் பதிவான காட்சிகளை ஆய்வு செய்தனர்.

இந்நிலையில் மர்ம நபர் ஒருவர் தினந்தோறும் இரண்டு சக்கர வாகனம் நிறுத்துமிடத்திற்கு வந்து வாகனத்தின் அருகே நின்று கொண்டு கள்ள சாவியை போட்டு வாகனத்தை அசால்டாக ஓட்டி செல்லும் வீடியோ பதிவாகி இருந்தது. தனிப்பட போலீசார் அந்த நபர் குறித்து விசாரணை நடத்தினர். அவர் நாகப்பட்டினம் அருகே செம்பியன் மகாதேவியை பகுதியைச் சேர்ந்த பாலநாதன் என்பது தெரியவந்தது இதன் பின்னர் தனிப்படை போலீசார் சம்பவ இடத்திற்கு சென்று பால நாதனை கைது செய்தனர். தொடர்ந்து நடத்திய விசாரணையில் இவர் மீது நாகப்பட்டினம் மாவட்டத்தில் பல்வேறு காவல் நிலையங்களில் இரண்டு சக்கர வாகனம் திருட்டு சம்பந்தமாக வழக்கு உள்ளது தெரிய வந்தது