சேலம் டவுன் பகுதியில் டூவீலர் திருடியவர் கைது

சேலம் செவ்வாய்பேட்டை கபிலர்தெருவை சேர்ந்தவர் சோமசுந்தரம் (54). இவர் கடந்த சில நாட்களுக்கு முன்பு பெரியகடை வீதிக்கு டூவீலரில் வந்தார். அங்கு டூவீலரை நிறுத்திவிட்டு, நண்பரை பார்த்து பேசி விட்டு திரும்பி அப்போது அங்கு அவர் நிறுத்தியிருந்த டூவீலரை காணவில்லை. இதனால் அதிர்ச்சியடைந்த சோமசுந்தரம், டவுன் குற்றப்பிரிவு போலீசில் புகார் செய்தார். அதன்பேரில் வழக்குப்பதிவு செய்த போலீசார், அங்கிருந்த சிசிடிவி கேமராக்களை ஆய்வு செய்தனர். இதில் தாதகாப்பட்டி அம்பாள் ஏரிரோடு 9வது கிராசை சேர்ந்த கந்தசாமி (42) என்பவரை டூவீலரை திருடியது தெரிய வந்ததால் அவரை கைது செய்து டூவீலரை மீட்டனர். தொடர்ந்து விசாரித்து வருகின்றனர்.