டூவீலர்கள் மோதல். ஒருவர் படுகாயம்.

உப்பிடமங்கலம் அருகே டூவீலர்கள் மோதல். ஒருவர் படுகாயம். கரூர் மாவட்டம், உப்பிடமங்கலம் அருகே உள்ள வெண்ணைமலை பகுதியைச் சேர்ந்தவர் சக்திவேல் வயது 42 . இவர் இரவு 7 மணி அளவில், உப்பிடமங்கலத்தில் இருந்து சேங்கல் செல்லும் சாலையில், அவரது டூவீலரில் சென்று கொண்டு இருந்தார். அப்போது, உப்பிடமங்கலம் அருகே உள்ள மேல லட்சுமணம்பட்டி பகுதியைச் சேர்ந்த அபிஷேக் என்பவர், வேகமாக ஓட்டி வந்த டூவீலர், சக்திவேல் ஓட்டிச் சென்ற டூவீலர் மீது மோதி விபத்து ஏற்பட்டது. இந்த விபத்தில், சக்திவேலுக்கு தலை, வலது கால் முட்டி உள்ளிட்ட பகுதிகளில் பலத்த காயங்கள் ஏற்பட்டதால், உடனடியாக அவரை மீட்டு, தனியார் ஆம்புலன்ஸ் மூலம், திருச்சி அரசு மருத்துவமனையில் சிகிச்சைக்காக அனுமதித்தனர் இந்த சம்பவம் அறிந்த சக்திவேலின் தந்தை சின்னதுரை வயது 70 என்பவர், இது குறித்து வெள்ளியணை காவல் நிலையத்தில் அளித்த புகாரின் பேரில், சம்பவ இடத்திற்கு சென்று விசாரணை மேற்கொண்ட காவல் துறையினர், டூவீலரை வேகமாக ஓட்டி விபத்து ஏற்படுத்திய அபிஷேக் மீது வெள்ளியணை காவல்துறையினர் வழக்குப்பதிவு செய்துள்ளனர்.