ஆயுதங்களுடன் சுற்றி திரிந்த இளைஞர்கள்

கபிஸ்தலம் காவல் சரக்கப் பகுதிகளில் பாபநாசம் காவல் நிலைய துணை கண்காணிப்பாளர் அசோக் மேற்பார்வையில் ,கபிஸ்தலம் போலீஸ் இன்ஸ்பெக்டர் பொறுப்பு மணிமேகலை மற்றும் போலீசார் தீவிர ரோந்து பணியில் ஈடுபட்டனர்.

அப்பொழுது கபிஸ்தலம் அருகே உள்ள துரும்பூர் சர்வ சக்தி மாரியம்மன் கோவில் திருவிழாவில் பாதுகாப்பு பணியில் ஈடுபட்டுக் கொண்டிருந்தனர். அப்பொழுது இரண்டு வாலிபர்கள் சந்தேகப்படும்படி சென்றுள்ளனர். அவர்களை வழிமறித்து சோதனை செய்தபோது அவர்கள் இடுப்பில் கத்தி வைத்திருப்பது தெரிய வந்தது. அவரை மேலும் விசாரணை செய்ததில் அவர்கள் திருவைகாவூர் ஊராட்சி, அதியம்ப நல்லூர், மேல தெருவில் வ சிக்கும் இளங்கோவன் மகன் சச்சின் வயது 21, ராஜேந்திரன் மகன் ராகுல் வயது 20, ஆகிய ஆகியோர் என்பது தெரியவந்தது

மேலும் அவர்களை விசாரித்த பொழுது அவர்கள் எங்களுக்கு முன் விரோதம் இருப்பதாகவும் எதிரிகளிடம் இருந்து தங்களை தற்காத்துக் கொள்வதற்காக கத்தி வைத்து செல்வதாக கூறினர். கத்தி மற்றும் ஆயுதங்களுடன் சென்ற இரண்டு வாலிபர்களை கைது செய்து வழக்கு பதிவு செய்து விசாரணை நடத்தி வருகின்றனர்.