சசிகாந்த் செந்திலை ஆதரித்து தீவிர பிரசாரத்தில் ஈடுபட்டஉதய நிதி

நாடாளுமன்ற தேர்தல் திருவிழாவின் வேட்புமனு தாக்கல் நேற்றுடன் நிறைவு பெற்று இன்று காலை முதல் வேட்புமனுக்கள் மீது பரிசீலனை நடைபெற்று வருகிறது.இந்த நிலையில் திருவள்ளூர் காங்கிரஸ் வேட்பாளராக அறிவிக்கப்பட்டுள்ள சசிகாந்த் செந்தில் இன்று பொன்னேரி சட்டமன்ற தொகுதி- ஹரிஹரன் பஜார் வீதியில் இன்று காலை 10 மணிக்கு மாநகராட்சி அலுவலகம் அருகில் தீவிர வாக்கு சேகரிப்பில் ஈடுபட்டார்.அப்போது காங்கிரஸ் வேட்பாளரான சசிகாந்த் செந்திலை ஆதரித்து மக்களிடம் வாக்குகளை சேகரிக்க திமுக இளைஞர் அணியின் மாநில செயலாளரும் தமிழக விளையாட்டு துறை அமைச்சருமான உதயநிதி ஸ்டாலின் பிரச்சாரம் செய்தார் .

அப்போது பேசிய உதயநிதி ஸ்டாலின்; உச்சி வெயிலையும் பொறுத்துக்கொண்டு பிரச்சாரத்திற்கு வந்துள்ள அனைவருக்கும் நன்றி! "3,57,000 வாக்குகள் பத்தாது.இந்த முறை 5 லட்சம் வாக்குகள் வித்தியாசத்தில் சசிகாந்த் செந்தில்-ஐ வெற்றி பெற செய்தால் நான் மாதம் இரு முறை திருவள்ளூர் வந்து தங்கள் குறைகளை கேட்டறிந்து குறைகளை நிவர்த்தி செய்து தருவேன்" என வாக்குறுதி அளித்தார்.பிரச்சாரத்தின் போது காங்கிரஸ் ,திமுக மற்றும் கூட்டணி தலைவர்களும், பொறுப்பாளர்களும், தொண்டர்களும் திரளாக கலந்து கொண்டனர் .