உதயநிதி பிறந்தநாள் : பார்வையற்றோர் பள்ளி மாணவர்களுக்கு உணவு

சிவகங்கையில் திமுக தெற்கு ஒன்றியம், இளைஞர் அணி சார்பில் இளைஞர் நலன் மற்றும் விளையாட்டு மேம்பாட்டுத்துறை அமைச்சர் உதயநிதி ஸ்டாலின் பிறந்தநாள் விழா கொண்டாடினர். தெற்கு ஒன்றிய அலுவலகம் முன்பு ஒன்றிய செயலாளர் ஜெயராமன் தலைமையில் திமுக கொடியேற்றி இனிப்பு வழங்கினார். இதனை தொடர்ந்து நலத்திட்ட உதவிகள் மற்றும் பார்வையற்றோர் பள்ளி, மனவளர்ச்சி குன்றியோர் பள்ளியில் உணவு வழங்கப்பட்டது. இதில் ஒன்றிய இளைஞரணி அமைப்பாளர் தங்கச்செல்வம், மாவட்ட ஆதிதிராவிடர் அணி அமைப்பாளர் சிங்கமுத்து, மாவட்ட தொண்டரணி துணை அமைப்பாளர் திலகவதி கண்ணன், ஒன்றிய துணைச் செயலாளர்கள் சித்தலூர் முருகன், பஞ்சவர்ணம், மாவட்ட பிரதிநிதி மனோகர், ஒன்றிய இளைஞரணி துணை அமைப்பாளர் அழகுசுந்தரம், மகளிர் அணி அமைப்பாளர் ராஜேஸ்வரி மற்றும் கழக நிர்வாகிகள் உள்ளிடோர் கலந்து கொண்டனர்.