உதயநிதி ஸ்டாலின் பிறந்தநாள் - அரூர் திமுகவினர் கொண்டாட்டம்

தமிழக இளைஞர் நலன் மற்றும் விளையாட்டுத்துறை அமைச்சரும், திமுக இளைஞரணி செயலாளருமான உதயநிதி ஸ்டாலினின் 47வது பிறந்தநாள் விழா இன்று திமுகவினரால் மாநிலம் முழுவதும் கொண்டாடப்பட்டு வருகிறது. அதன் ஒரு பகுதியாக, தர்மபுரி மாவட்டம் அரூரில், பேரூர் திமுக சார்பில் அரூர் கச்சேரி மேட்டில் பேரூர் செயலாளர் முல்லை ரவி தலைமையில், அமைச்சர் உதயநிதி ஸ்டாலினின் பிறந்தநாள் விழா கொண்டாடப்பட்டது. இதில், முன்னாள் எம்.எல்.ஏ.வும், வடக்கு ஒன்றிய செயலாளருமான வேடம்மாள், பேரூராட்சி துணைத் தலைவர் சூர்யா தனபால், மாவட்ட துணை செயலாளர் கிருஷ்ணகுமார், முஜீப் உள்ளிட்டோர் கலந்து கொண்டு பட்டாசுகளை வெடித்தும், அப்பகுதி பொதுமக்களுக்கு இனிப்புகளை வழங்கியும் தங்களது மகிழ்ச்சியை வெளிப்படுத்தினர். இந்நிகழ்ச்சியில்,திமுகவின் பல்வேறு அணிகளை சேர்ந்த மாவட்ட நிர்வாகிகள், திமுக தொண்டர்கள் என ஏராளமானோர் கலந்துகொண்டனர்.