சீரற்ற குடிநீர் விநியோகம்: மாநகராட்சி நிர்வாகத்தை கண்டித்து சாலை மறியல்

ஈரோடு மாநகராட்சிக்கு உட்பட்ட 44வது வார்டு பழைய பூந்துறை ரோடு ஓடை பள்ளத்தில் உள்ள 200க்கும் மேற்பட்ட குடியிருப்புகள் உள்ளன.இந்த பகுதியில் மாநகராட்சி நிர்வாகத்தின் சார்பில் ஊராட்சி கோட்டை குடிநீர் திட்டத்தின் மூலம் குடிநீரானது வினியோகம் செய்யப்பட்டு வருகிறது.இந்த நிலையில் கடந்த ஒரு வாரமாக குடிநீர் வரவில்லை இது குறித்து அப்பகுதி மக்கள் மாநகராட்சி அதிகாரிகள் இடம் பல முறை புகார் அளித்து உள்ளனர்.

புகார் அளித்து இது வரை நடவடிக்கை எடுக்க வில்லை எனக்கூறி அப்பகுதியை சேர்ந்த் 50க்கும் மேற்பட்டோர் ஈரோடு காந்திஜி சாலையில் சாலை மறியலில் ஈடுபட்டனர்.இதன் காரணமாக ஈரோடு காந்திஜி சாலையில் போக்குவரத்து பாதிப்பு ஏற்பட்டது.சம்பவ இடத்திற்கு வந்த நகர காவல் துறையினர் மற்றும் மாநகராட்சி அதிகாரிகள் மறியலில் ஈடுபட்டு வருபவர்களிடம் பேச்சுவார்த்தையில் ஈடுபட்டதை தொடர்ந்து களைந்து சென்றனர்.....