அடையாளம் தெரியாத பெண் சடலம் மீட்பு

திருச்சி மாவட்டம், புள்ளம்பாடி அருகே தப்பாய் கிராமத்தில் உள்ள விவசாய நிலத்தில் 50 வயது மதிக்கத்தக்க அடையாளம் தெரியாத பெண் சடலமாக கிடப்பதாக தாப்பாய் கிராம நிர்வாக அலுவலருக்கு பொதுமக்கள் தகவல் அளித்தனர். தகவலறிந்து சம்பவ இடத்திற்க்கு சென்ற கிராம நிர்வாக அலுவலர் அய்யப்பன் சடலமாக கிடந்த பெண் குறித்து விசாரணை செய்தார்.

அவர் யார், எந்த ஊரை சேர்ந்தவர் என்ற தகவல் தெரியவில்லை.இது குறித்து காணிக்கிளியநல்லூர் போலீசாருக்கு கிராம நிர்வாக அலுவலர் அய்யப்பன் தகவல் கொடுத்தார்.தகவலறிந்த போலீசார் சம்பவ இடத்திற்கு விரைந்து சென்று உடலை கைப்பற்றி உடற்கூறு ஆய்விற்க்காக லால்குடி அரசு மருத்துவமனைக்கு அனுப்பி வைத்தனர்.

பின்னர் இச்சம்பவம் குறித்து கிராம நிர்வாக அலுவலர் கொடுத்த புகார் பேரில் காணிக்கிளியநல்லூர் போலீசார் வழக்கு பதிவு செய்து விசாரணை செய்து வருகின்றனர். மேலும் இறந்த பெண் யார், எந்த ஊரை சேர்ந்தவர்? எப்படி இங்கு வந்தார்? எப்படி இறந்தார் என பல்வேறு கோணங்களில் விசாரணை செய்து வருகின்றனர்.