அடையாளம் தெரியாத வாகனம் மோதி விபத்து - ஒய்வு பெற்ற அரசு ஊழியர் பலி

பெரம்பலூர் அருகே தீரன் நகர் பகுதியை சேர்ந்தவர் தேவராஜ், 63. ஓய்வு பெற்ற அரசு பேருந்து நடத்துனரான இவருக்கு மனைவி மற்றும் இரண்டு பிள்ளைகள் உள்ளனர். இவர் சென்னை- திருச்சி தேசிய நெடுஞ்சாலையில் நேற்று காலை நடந்து செல்லும் போது அடையாளம் தெரியாத வாகனம் மோதியதில் காயம் ஏற்பட்டு கீழே விழுந்து கிடந்தார். அவரை அப்பகுதியை சேர்ந்தவர்கள் மீட்டு பெரம்பலூர் அரசு மருத்துவமனைக்கு சிகிச்சைக்கு அனுப்பி வைத்தனர். அங்கு சிகிச்சை பெற்றவருக்கு உயர் சிகிச்சை தேவைப்பட்டதால் திருச்சி அரசு மருத்துவமனைக்கு அனுப்பி வைத்தனர். அங்கு சிகிச்சை பெற்றவர் சிகிச்சை பலனின்றி உயிரிழந்தார்.பெரம்பலூர் போலீசார் இதுகுறித்து வழக்குப்பதிவு செய்து விசாரணை மேற்கொண்டு வருகின்றனர்.