சிவகாசி பேருந்து நிலையத்தில் அடையாளம் தெரியாத பெண் பிரேதம்...

விருதுநகர் மாவட்டம், சிவகாசி பேருந்து நிலையத்தில் நேற்று காலை 65 வயது மதிக்கத்தக்க பெண் ஒருவர் மயங்கி கிடந்துள்ளார். இது குறித்த தகவலின் பேரில் சம்பவம் இடத்திற்கு சிவகாசி டவுன் விஏஓ கண்ணன் சென்று, 108 ஆம்புலன்ஸ் மூலம் அந்த பெண்ணை சிவகாசி அரசு மருத்துவமனைக்கு அனுப்பி வைத்தார்.பெண்ணை பரிசோதித்த டாக்டர்கள்,அவர் ஏற்கனவே இறந்து விட்டதாக தெரிவித்துள்ளனர். இறந்த பெண்ணின் உறவினர்களை கண்டு பிடித்து ஒப்படைப்பதற்காக பிரேதம் சிவகாசி அரசு மருத்துவமனையில் வைக்கப்பட்டுள்ளது. இச்சம்பவம் குறித்து சிவகாசி டவுன் போலீசார் வழக்கு பதிவு செய்து விசாரித்து வருகின்றனர்.