மே தினத்தில் ஆட்டோ மற்றும் மினி டெம்போ தொழிலாளர்களுக்கு சீருடை

உழைப்பாளர்களின் உரிமையை காக்கும் வகையில் மே ஒன்றாம் தேதி உழைப்பாளர் தினம் கொண்டாடப்பட்டு வருகிறது. அதனைத் தொடர்ந்து உழைப்பாளர்களை போற்றும் வகையில் தலைமை திமுக அறிவுறுத்தலின்படி மே 1 உழைப்பாளர் தினத்தை முன்னிட்டு சேலம் மேற்கு மாவட்ட அமைப்பு சாரா ஓட்டுனர் அணி சார்பாக ஆட்டோ மற்றும் மினி டெம்போ தொழிலாளர்களுக்கு சீருடை வழங்கும் நிகழ்வு எடப்பாடி நகர மன்ற தலைவர் டி எஸ் எம் பாஷா தலைமையில் நடைபெற்றது. இதில் முன்னாள் அமைச்சர் சேலம் மேற்கு மாவட்ட திமுக செயலாளர் டி எம் செல்வகணபதி கலந்து கொண்டு ஆட்டோ தொழிலாளர்களுக்கு மே தின வாழ்த்துக்களை கூறி இனிப்புகள் மற்றும் சீருடைகள் வழங்கி கௌரவித்தார். அப்போது மாவட்டத் துணைச் செயலாளர் சம்பத்குமார் முன்னாள் சட்டமன்ற உறுப்பினர் கணேசன் தலைமை செயற்குழு உறுப்பினர் முருகேசன் மாவட்ட அமைப்பு சாரா ஓட்டுநர் அணி அமைப்பாளர் ராஜா (எ) சண்முகம் எடப்பாடி நகரக் கழக துணைச் செயலாளர் வடிவேல் மற்றும் பலர் உடன் இருந்தார்.