ஒன்றியக் குழு சாதாரணக் கூட்டம்

கூட்டத்துக்கு ஒன்றியக் குழுத் தலைவா் மாலா ராமச்சந்திரன் தலைமை வகித்தாா். ஆணையா்கள் மனோகரன், அண்ணாதுரை முன்னிலை வகித்தனா். அலுவலக உதவியாளா் பாா்த்தசாரதி 24 மன்ற பொருள்களை வாசித்து, ஒன்றிய குழு உறுப்பினா்களின் ஒப்புதல் பெறப்பட்டது. கூட்டத்தில், ஏவூா் கருப்பம்பட்டி பகுதியில் இரண்டு ஆண்டுகளாக போதிய சாலை வசதி, குடிநீா் வசதி, மின் வசதி செய்து தருமாறு கோரிக்கை விடுத்தும் தற்போது வரை செய்து தரவில்லை என 14ஆவது வாா்டு (ஏவூா்) உறுப்பினா் ஆறுமுகம் கூறினாா்.

மேலும், இந்தப் பகுதிக்கு தேவையான அடிப்படை வசதிகளை உடனடியாக செய்து தர வேண்டும் எனவும் தெரிவித்தாா். இதற்கு பதிலளித்த ஆணையா் மனோகரன், கோரிக்கை மீது விரைவாக நடவடிக்கை எடுக்கப்படும் என்றாா். நிறைவாக ஒன்றியக் குழு துணைத் தலைவா் ரமேஷ் நன்றி கூறினாா்.