ஒன்றிய அளவில் பள்ளி மாணவர்களுக்கு கல்வி சாரா மன்ற போட்டிகள்

விழுப்புரம் மாவட்டம் திண்டிவனம் கல்வி மாவட்டம் சார்பில் செஞ்சி வட்டார அளவிலான கல்வி இணை செயல்பாடுகள் மற்றும் கல்வி சாரா மன்ற போட்டிகள் செஞ்சி ஒன்றியம் சக்கராபுரத்தில் உள்ள ஊராட்சி ஒன் றிய நடுநிலைப்பள்ளி மற்றும் உருது உயர்நிலைப் பள்ளியில் நடைபெற்றது, இதில், செஞ்சி ஒன்றியத்தில் உள்ள 36 பள்ளிகளில் இருந்து சுமார் 1100 மாணவ- மாணவிகள் பங்கேற்று இலக்கிய மன்றம்' அறிவியல் மன்றம், சிறார் திரை மற்றும் வினாடி வினா போன்ற போட்டிகளில் பங்கேற்றனர், போட்டிகளில் வெற்றி பெற்ற மாணவ, மாணவிகளுக்கு பரிசளிப்பு விழா திண்டிவனம் கல்வி மாவட்ட அலுவலர் சிவசுப்பிரமணியன் தலைமையில் நடைபெற்றது. பள்ளித்துணை ஆய்வாளர் விநாயக மூர்த்தி வரவேற்றார். நிகழ்ச்சியில் செஞ்சி ஒன்றிய குழு தலைவர் விஜயகுமார், பேரூராட்சி மன்ற தலைவர் மொக்தியார் அலி மஸ்தான் ஆகியோர் கலந்து கொண்டு பல்வேறு போட்டிகளில் வெற்றி பெற்றவர்களுக்கு கேடயங்கள் மற்றும் சான்றிதழ்களை வழங்கினர், இதில் பள்ளி தலைமை ஆசிரியர்கள், ஆசிரியர்கள் பெற்றோர்கள் என பலர் கலந்து கொண்டனர்.