டிச.7 வரை உதகை மலை ரயில் சேவை ரத்து
![டிச.7 வரை உதகை மலை ரயில் சேவை ரத்து டிச.7 வரை உதகை மலை ரயில் சேவை ரத்து](https://king24x7.com/h-upload/2023/11/24/310482-image3a604658.webp)
உதகை மலை ரயில்
நீலகிரி மாவட்டத்தில் பெய்து வரும் கன மழை காரணமாக குன்னூர் மற்றும் பர்லியார் மலை பகுதியிலும், வெலிங்டன், லவ்டேல் பகுதிகளிலும் ரயில் தண்டவளத்தில் மண் மற்றும் மரங்கள் விழுந்துள்ளன. ஏற்கனவே மேட்டுபாளையம் - குன்னூர் இடையே தண்டவளத்தில் மண் மற்றும் பாறைகள் விழுந்ததால் 25-ந்தேதி வரை ரத்து செய்யபட்டிருந்தது.
இந்த நிலையில் தொடர்ந்து பெய்து வரும் கன மழையால் குன்னூர் - மேட்டுபாளையம் இடையே தண்டவாளத்தில் கடும் பாதிப்பு ஏற்பட்டுள்ளது. அவற்றை சீரமைக்க இன்னும் அதிக நாட்கள் ஆகும் என்பதால் மேட்டுபாளையம் - குன்னூர் - உதகை இடையே இயக்கபடும் மலை ரயில் சேவை டிசம்பர் 7-ந்தேதி வரை ரத்து செய்யபட்டுள்ளது. அதே போல குன்னூர் - உதகை இடையே வெலிங்டன் பகுதியில் மண் சரிவு ஏற்பட்டு உள்ளதாலும் கன மழை எச்சரிக்கை காரணமாகவும் உதகை - குன்னூர் இடையே ஆன மலை ரயிலும் இம்மாதம் 30-ந்தேதி வரை ரத்து செய்யபடுவதாக சேலம் கோட்ட ரயில்வே நிர்வாகம் அறிவித்துள்ளது.