வாஜ்பாயின் 99 ஆவது பிறந்தநாள் விழா

நாமக்கல் மாவட்டம் இராசிபுரம் நகர பாஜக சார்பில் நடைபெற்ற இந்நிகழ்ச்சியில், பாஜக மாநில துணைத் தலைவர் சேலம் பெருங்கோட்ட பொறுப்பாளர் Dr. K.P. இராமலிங்கம் தலைமை வகித்து ராசிபுரம் பகுதியில் கட்சி கொடி ஏற்றி வைத்து அடல் பிஹாரி வாஜ்பாயின் திருவுருவப்படத்திற்கு மலர்கள் தூவி மரியாதை செலுத்தினார். தொடர்ந்து பாஜக நிர்வாகிகள் வாஜ்பாயின் படத்திற்கு மலர்கள் தூவி மரியாதை செலுத்தினர். இதனை அடுத்து அனைவருக்கும் இனிப்புகள் வழங்கப்பட்டன. இந்த நிகழ்ச்சியில் பேசிய பாஜக மாநிலத் துணைத் தலைவர் Dr. K.P. இராமலிங்கம், முன்னாள் பிரதமர் அடல் பிகாரி வாஜ்பாய் அவர்களின் தேசப்பணி போற்றுதலுக்குரியது.

அவர் பிரதமராக இருந்தபோது நமது நாட்டிற்கு பல அளப்பரிய பணிகளை செய்து நமது நாட்டின் கௌரவத்தை சர்வதேச அரங்கில் உயர்த்தி உள்ளார். அவரின் தேசப் பணிகளை என்றும் நாம் போற்றுவோம் என்றும் டாக்டர் கே.பி. இராமலிங்கம் தெரிவித்தார். இந்த நிகழ்ச்சியில் நகர தலைவர் பி.வேலு, மாவட்டத் துணைத் தலைவர் வழக்கறிஞர் ஆர்.டி. இளங்கோ, நகர பொதுச் செயலாளர் ஆர்.வெங்கடேசன், நகர பொருளாளர் தொகுதி எம். கே. ராஜா, நகர பாஜக துணைத் தலைவர் எஸ். குமார், நகர துணைத் தலைவர் கே. கார்த்திக், எஸ்.கமல், நகர துணைத் தலைவர் எஸ். லோகநாதன், நகர இளைஞரணி பொதுச் செயலாளர் எஸ். நாகராஜ் , மற்றும் பாஜக மாநில, மாவட்ட, இராசிபுரம் நகரம், அணி, பிரிவு, கிளை தலைவர்கள், அனைத்து நிர்வாகிகள் உட்பட பலரும் கலந்துகொண்டனர்.