எதிர்பாராத விதமாக வேன் கவிழ்ந்து விபத்து

திண்டுக்கல் அருகே வேன் கவிழ்ந்து 15 பேர் காயமடைந்தனர். திண்டுக்கல் மாவட்டம் என்.பஞ்சம்பட்டியை சேர்ந்தவர்கள், வேளாங்கண்ணி மாதா கோவிலுக்கு சென்றனர். அங்கு வழிபாடு நடத்தி சொந்த ஊர் திரும்பினர். இன்று அதிகாலை திண்டுக்கல் இ.பி காலனி பிரிவு அருகே வந்த போது எதிர்பாராத விதமாக வேன் கவிழ்ந்து விபத்துக்குள்ளானது. இதில் 15 பேர் காயமடைந்துள்ளனர். இதுகுறித்து தாடிக்கொம்பு போலீசார் வழக்கு பதிவு செய்து விசாரித்து வருகின்றனர்.