முத்துக்குமாருக்கு விசிகவினர் வீரவணக்கம்

சேலம் மாவட்டம், ஓமலூர் பஸ்நிலையம் அருகே சேலம் வடக்கு மாவட்ட விசிக இளம் சிறுத்தைகள் எழுச்சி பாசறை சார்பில் கரும்புலி முத்துக்குமாருக்கு வீரவணக்கம் செலுத்தும் நிகழ்ச்சி இளம் சிறுத்தைகள் எழுச்சி பாசறை மாவட்ட அமைப்பாளர் சாமுராய் குரு மற்றும் ஆறுமுகம் ஆகியோர் தலைமையில் நடைபெற்றது. இந்த நிகழ்ச்சியில் சிறப்பு அழைப்பாளராக விசிக துணை பொதுச்செயலாளரும், தமிழ் தேசிய போராளியுமான வன்னியரசு கலந்து கொண்டு கரும்புலி முத்துக்குமாரின் உருவப்படத்திற்கு மலர் மாலை அணிவித்து மரியாதை செலுத்தினார்.

இந்த நிகழ்ச்சியில் ஒழுங்கு நடவடிக்கை குழு மாநில பொறுப்பாளர் பாவேந்தன், சேலம் நாமக்கல் மண்டல துணைச் செயலாளர் ஆறுமுகம், மாவட்ட துணை செயலாளர் மாதேஸ்வரி, இளம் சிறுத்தைகள் எழுச்சி பாசறை மாவட்ட துணை அமைப்பாளர்கள் பாசறை ரவி மற்றும் கோபி, மாணவரணி ஒருங்கிணைப்பாளர் தமிழ் வளவன், இளம் சிறுத்தைகள் எழுச்சி பாசறை ஓமலூர் பேரூராட்சி செயலாளர் கலைச் செல்வன், எழுச்சி பாசறை தொகுதி அமைப்பாளர் ராஜேஷ், ஓமலூர் ஒன்றிய ஒருங்கிணைப்பாளர் பிரவீன் உள்ளிட்ட விசிக நிர்வாகிகள் தொண்டர்கள் என பலர் கலந்து கொண்டு கரும்புலி முத்துகுமாருக்கு வீரவணக்கம் செலுத்தினர்.