வேதகிரீஸ்வரர் கோவில் உண்டியல் காணிக்கை எண்ணும் பணி!

செங்கல்பட்டு மாவட்டம் திருக்கழுக்குன்றம் வேதகிரீஸ்வரர் கோவிலில் 10 பொது உண்டியல்களும் 2 திருப்பணி உண்டியல்கள் என 12 உண்டியல்கள் வைக்கப்பட்டுள்ளன. இந்த உண்டியல்கள் காணிக்கை 3 மாதங்களுக்கு ஒருமுறை எண்ணப்படும். அவ்வாறு புதன்கிழமை திருக்கோயில் பொது உண்டியல்கள் மற்றும் திருப்பணி உண்டியல்கள் திறக்க முடிவு செய்து அறநிலையத் துறையின் உதவி ஆணையா் லட்சுமிகாந்தன் பாரதிதாசன் ( செங்கல்பட்டு) மேற்பாா்வையில் செயல் அலுவலா் புவியரசு, மேலாளா் விஜயன் உள்ளிட்டோா் முன்னிலையில் நேற்று சன்னிதானம் முன்பு எண்ணப்பட்டன. ஆன்மிக அன்பா்கள், கோயில் பணியாளா்கள் காணிக்கை எண்ணும் பணியில் ஈடுபட்டனா். 51 கிராம் தங்கமும், 472 கிராம் வெள்ளியும் கிடைத்தன. மொத்தம் 12 உண்டியல்கள் மூலம் ரூ.15.24 லட்சம் ரொக்கம் வருவாய் கிடைத்தது. கோயில் ஆய்வாளா் பாஸ்கா் (செங்கல்பட்டு) பணியாளா்கள் உடனிருந்தனா்.