சாலை விபத்தில் காய்கறி வியாபாரி சாவு

சேலம் கொண்டலாம்பட்டி அருகே அரியானூர் கோரைக்காட்டை சேர்ந்தவர் மாதப்பன் (வயது 59), காய்கறி வியாபாரி. இவர், வ.உ.சி. மார்க்கெட்டுக்கு தனது மொபட்டில் சென்று கொண்டிருந்தார். உத்தமசோழபுரம் பில்லுகடை மேடுபகுதியில் வந்த போது அந்த வழியாக வந்த வாகனம் அவரது மொபட் மீது மோதியது. இதில் மாதப்பன் படுகாயம் அடைந்து சம்பவ இடத்திலேயே பரிதாபமாக இறந்தார். விபத்து குறித்து கொண்டலாம்பட்டி போலீசார் வழக்குப்பதிவு செய்து மாதப்பன் மொபட் மீது மோதிய வாகனம் குறித்து விசாரணை நடத்தி வருகின்றனர்.