வேலூர்: காதல் தகராறில் 4 பேர் கைது

வேலூர் சைதாப்பேட்டை கோட்டை பிள்ளையார் கோவில் தெருவைச் சேர்ந்தவர் லோகநாதன். இவரது மகன் சுரேந்தர். இவரின் நண்பர் ஒரு பெண்ணை காதலித்து வந்ததாகக் கூறப்படுகிறது. இது குறித்து பெண்ணின் உறவினர்களுக்கு தெரியவரவே, அவர்கள் சுரேந்தரிடம் உனது நண்பருக்கு உதவி செய்ததாக கூறி தகராறில் ஈடுபட்டு சுரேந்தரை கைகளால் தாக்கி மிரட்டியதாக கூறப்படுகிறது. இது குறித்து இரு தரப்பினரும் அளித்த புகாரின் பேரில் வழக்குப் பதிவு செய்த சத்துவாச்சாரி போலீசார் அலமேலுரங்காபுரத்தைச் சேர்ந்த புஷ் பராஜ் (24), செல்வகணபதி (24), பரத் (23) மற்றும் சத்துவாச்சாரியைச் சேர்ந்த சரவணன் (24) ஆகிய 4 பேரை கைது செய்து விசாரணை நடத்தி வருகின்றனர்.