”வேலூர் தொகுதிகளில் விளையாட்டு மைதானம் அமைத்து தரப்படும்” ஏ.சி.சண்முகம்

வேலூர் பாராளுமன்ற தொகுதிக்குட்பட்ட 6 சட்டமன்ற தொகுதிகளிலும் பாராளுமன்ற தேர்தலுக்கு பின்னர் விளையாட்டு மைதானம் அமைத்து தரப்படும் என புதிய நீதி கட்சியின் தலைவர் ஏசி சண்முகம் தெரிவித்துள்ளார்.

வேலூர்மாவட்டம்,தொரப்பாடியில் உள்ள அழகாம்பாள் திருமண மண்டபத்தில் புதிய நீதிக்கட்சி மற்றும் ஏ,.சி.எஸ் மருத்துவக்கல்லூரி சார்பில் அனைக்கட்டு தொகுதியில் நடத்தப்பட்ட கிரிக்கெட் போட்டிகளில் வென்றவர்களுக்கு ரொக்க பரிசுகள் மற்றும் கிரிக்கெட் கிட்கள் வழங்கும் விழா நடைபெற்ரது.

அதில் பங்கேற்ற புதிய நீதிகட்சியின் தலைவர் ஏ.சி.சண்முகம் வெற்றி பெற்றவர்களுக்கு கிரிக்கெட் கிட்கள் மற்றும் ரொக்கபரிசு, சான்றுகள், கோப்பைகளை வழங்கினார் . முன்னதாக பேர்ணாம்பட்டு மற்றும் தொரப்பாடி பகுதிகளிலும் இலவச மருத்துவ முகாம் நடந்தது . பின்னர் விழாவில் புதிய நீதிகட்சிதலைவர் ஏ.சி சண்முகம் பேசுகையில் ”இலவச மருத்துவ முகாமால் மக்கள் அதிகமானோர் பயனடைந்துள்ளனர்.

வேலைவாய்ப்பை 10 ஆயிரத்திற்கும் மேற்பட்ட இளைஞர்களுக்கு பெற்று தந்துள்ளோம் மேலும் வேலூர் பாராளுமன்ற தொகுதிக்குட்பட்ட 6 சட்டமன்ற தொகுதிகளிலும் இளைஞர்களுக்காக விளையாட்டு மைதானங்களை பாராளுமன்ற தேர்தலுக்கு பின்னர் அமைத்து தருவேன்” என்றார்.