வேலூர்: மின்சாரம் தாக்கி மாடு பலி!

வேலூர் வள்ளலார் டபுள்ரோடு பகுதியில் சாலையோரம் மாடு ஒன்று மேய்ந்து கொண்டிருந்தது. அப்போது அங்குள்ள மின்கம்பத்தில் மாடு உரசியதாகவும், அதில் இருந்து மின்சாரம் பாய்ந்ததால் தூக்கி வீசப்பட்ட மாடு சம்பவ இடத்தில் துடி, துடித்து உயிரிழந்ததாகவும் கூறப்படுகிறது. இதைக்கண்டு அதிர்ச்சி அடைந்த அப்பகுதி மக்கள் இதுகுறித்து உடனடியாக மின்வாரிய ஊழியர்கள் மற்றும் மாநகராட்சி அலுவலர்களுக்கு தகவல் தெரிவித்தனர். மேலும் பொதுமக்கள் முன்னெச்சரிக்கை நடவடிக்கையாக அந்த பகுதியில் மின்வினியோகத்தை நிறுத்தினர். மாநகராட்சி ஊழியர்கள் அங்கு சென்று மின்கம்பத்தில் ஏற்பட்ட மின்கசிவை சரி செய்தனர். அதன்பின்னர் அந்த பகுதியில் மின்வினியோகம் செய்யப்பட்டது.