வேலூர்: கியாஸ் சிலிண்டர் திருடிய வாலிபர் கைது!

வேலூர் கொசப்பேட்டையை சேர்ந்த பரசுராமன் மனைவி ராணி (57). இவர் வேலூர் நேதாஜி மார்க்கெட்டில் உள்ள கடை ஒன்றில் வேலை செய்து வருகிறார். சம்பவத்தன்று இரவு ராணியின் வீட்டின் முன்பு வைத்திருந்த சமையல் கியாஸ் சிலிண்டர், வெள்ளி அண்டாவை காம்பவுண்டு சுவர் ஏறி குதித்து மர்மநபர்கள் திருடிச் சென்றனர். இதுகுறித்து அவர் வேலூர் தெற்கு குற்றப்பிரிவு காவல் நிலையத்தில் புகார் அளித்தார். அதன்பேரில் இன்ஸ்பெக்டர் தமிழரசி வழக்குப்பதிந்து அந்த பகுதியில் உள்ள கண்காணிப்பு கேமராக்களை ஆய்வு செய்து விசாரணை நடத்தினார். அதில் வேலூர் ஓல்டுடவுன் குட்டைமேடு பகுதியை சேர்ந்த சீனிவாசன் மகன் லிங்கேஸ்வரன் (வயது 20) இந்த திருட்டில் ஈடுபட்டது தெரியவந்தது. இதையடுத்து அவரை போலீசார் கைது செய்தனர்.