மக்களவை தேர்தலில் வெற்றி - நாமகிரிப்பேட்டையில் நன்றி தெரிவிப்பு

நடந்து முடிந்த பாராளுமன்ற தேர்தலில் இந்தியா கூட்டணியின் சார்பில் வெற்றி பெற்ற வி.எஸ். மாதேஸ்வரன் எம்.பிக்கு உதயசூரியன் சின்னத்தில் வாக்களித்த மக்களுக்கு நன்றி தெரிவிக்கும் வகையில் ராசிபுரம் சட்டமன்ற தொகுதி நாமகிரிப்பேட்டை ஒன்றியம் மற்றும் நாமகிரிப்பேட்டை பேரூர் சீராப்பள்ளி பேரூர் இரா.புதுப்பட்டி பேரூர் ஆகிய பகுதிகளில் வாக்காளர்களுக்கு நன்றி தெரிவிக்கும் நிகழ்ச்சி நடைபெற உள்ளது.

இந்நிகழ்ச்சியில் நாமக்கல் கிழக்கு மாவட்ட திமுக செயலாளரும், மாநிலங்களவை உறுப்பினரும் நாமக்கல் மாவட்ட மத்திய கூட்டுறவு வங்கி தலைவருமான கே.ஆர்.என். இராஜேஸ்குமார், வனத்துறை அமைச்சர் மா.மதிவேந்தன் நாடாளுமன்ற தேர்தலில் இந்தியா கூட்டணியின் சார்பில் போட்டியிட்டு வெற்றி பெற்ற விஎஸ் மாதேஸ்வரன் எம்.பி ஆகியோர் கலந்து கொண்டு வாக்காளர்களுக்கு நன்றி தெரிவிக்க உள்ளனர். இன்று காலை நாமகிரிப்பேட்டை ஒன்றியத்தில் இன்றும், நாளையும் காலை மற்றும் மாலையிலும், தொடர்ந்து சனிக்கிழமை நாமகிரிப்பேட்டை, சீராப்பள்ளி, இரா.புதுப்பட்டி ஆகிய பேரூர் களிலும் நன்றி தெரிவிக்கும் நிகழ்ச்சி நடைபெற உள்ளது.