விஜய் ரசிகர்கள் பட்டாசு வெடித்து கொண்டாட்டம்

நடிகர் விஜய் தமிழக வெற்றி கழகம் என்ற பெயரில் புதிய கட்சியை துவங்கியுள்ளார் இந்த கட்சி சார்பில் வருகிற 2026 ஆம் ஆண்டு நடைபெறும் தமிழக சட்டமன்ற தேர்தலில் போட்டியிடப் போவதாக அறிவித்துள்ளார். இதை தொடர்ந்து தமிழகம் முழுவதும் உள்ள விஜய் ரசிகர்கள் பட்டாசு வெடித்து இனிப்பு வழங்கி கொண்டாடி வருகின்றனர்.

நடிகர் விஜய் புதிய கட்சியை துவங்கியதை முன்னிட்டு விஜய் மக்கள் இயக்க தென்மண்டல ஒருங்கிணைப்பாளர் பில்லா ஜெகன் அறிவுரைப்படி தூத்துக்குடியில் சிவன் கோவில் முன்பு விஜய் மக்கள் இயக்கம் சார்பில் விஜய் ரசிகர்கள் நாளைய தமிழக முதல்வர் விஜய் வாழ்க தமிழக வெற்றிக்கழகம் வாழ்க என்ற கோஷம் முழங்க பட்டாசு வெடித்து இனிப்பு வழங்கி கொண்டாடினர். இந்த நிகழ்ச்சியில் தூத்துக்குடி நகர இளைஞரணி நிர்வாகிகள் ராயல் சுந்தர், பெத்துராஜ், சுப்பையா, விக்னேஷ், பத்திரி குமார், நிக்கோலஸ், பிரதீப், மணி, முருகன், ஆனந்த்ராஜ், பேச்சிமுத்து, ஜெகதீஷ், முத்தையாபுரம் மணிகண்டன், பத்ரி சுமன், சுஜெய், உள்ளிட்டோர் கலந்து கொண்டனர்