புதிய கட்சி தொடங்கிய விஜய்; ரசிகர்கள் பட்டாசு வெடித்து கொண்டாட்டம்

சேலம் மாவட்டம் சங்ககிரியில் நடிகர் விஜய் தொடங்கிய தமிழக வெற்றிக்கழகம் என்ற புதிய கட்சியை வரவேற்று விஜய் ரசிகர்கள் பட்டாசு வெடித்து பொதுமக்களுக்கு இனிப்பு வழங்கி உற்சாக கொண்டாட்டம்... நடிகர் விஜய் புதிதாக தமிழக வெற்றி கழகம் என்ற பெயரில் கட்சியை தொடங்கி இன்று அறிவிப்பு வெளியிட்டார்.

இதனை வரவேற்று சேலம் மாவட்டம் சங்ககிரி பழைய பேருந்து நிலையம் பகுதியில் விஜய் மக்கள் இயக்கம் சார்பில் நகர ஒன்றிய பொறுப்பாளர் கேசவன் தலைமையில் ரசிகர்கள் கோஷங்களை எழுப்பி பட்டாசு வெடித்து பொதுமக்களுக்கு இனிப்புகளை வழங்கி உற்சாகமாக கொண்டாடி மகிழ்ந்தனர். அப்போது சங்ககிரி மேற்கு ஒன்றிய தலைவர் விக்னேஷ், நகர தலைவர் மணிகண்டன், மேற்கு ஒன்றிய செயலாளர் மாரிமுத்து உட்பட பலரும் இதில் கலந்து கொண்டனர்.