எடப்பாடி பழனிசாமிக்கு நன்றி தெரிவித்த விஜயபிரபாகரன்

சிவகாசியில் நடந்த பிரச்சார கூட்டத்தில் முன்னாள் முதல்வருக்கு நன்றி தெரிவித்து பேசிய விஜயபிரபாகரன்.... விருதுநகர் மாவட்டம், சிவகாசியில் விருதுநகர் பாராளுமன்ற தொகுதியின் அதிமுக கூட்டணி கட்சியின் தேமுதிக வேட்பாளர் விஜய பிரபாகரனை ஆதரவு கேட்டு அதிமுக பொதுசெயலாளரும் முன்னாள் முதல்வருமான எடப்பாடி பழனிச்சாமி கலந்து கொண்டார்.

அப்போது பேசிய தேமுதிக கட்சியின் வேட்பாளர் விஜய பிரபாகரன்,எனக்காக பிரச்சாரம் செய்ய வந்த வருக்கால முதல்வர் எடப்பாடி பழனிச்சாமிக்கு நன்றி - நான் அரசியலுக்கு வருவேன் என்று தெரியும் ஆனால் இவ்ளோ சீக்கிரமாக வருவேனு தெரியாது. நான் சென்னைக்காரன் என விமர்சனம் செய்கிறார்கள், நான் இந்த மண்ணுக்கு சொந்தக்காரன் . இந்த கூட்டணி வெற்றிக் கூட்டணி . அதிமுக தேமுதிக கூட்டணி தொடரும். 2018 எனது அப்பா பேசிய இடத்தில் நான் இப்போது பேசுகிறேன்,முரசு சின்னத்தில் எனக்கு வாக்களித்து என்னை வெற்றி பெற்றால் உங்களது குரலாக டெல்லியில் குரல் கொடுப்பேன் என்றார். கூட்டத்திற்கு முன்னாள் அமைச்சர்கள், மற்றும் கட்சி நிர்வாகிகள் கலந்து கொண்டனர்.