விக்கிரவாண்டி அருகே தனியார் பள்ளி பேருந்து மீது லாரி மோதி விபத்து

புதுச்சேரி மாநிலம் திருக்கனூரில் இருந்து தனியார் பள்ளி பேருந்து ஒன்று மாணவர்களை ஏற்றிக் கொண்டு விழுப்புரம் மாவட்டம் விக்கிர வாண்டி அருகே உள்ள இளையாண்டிப்பட்டுக்கு புறப்பட்டது. பேருந்தை மதுரப்பாக்கத்தை சேர்ந்த ஜெயக்குமார் (48) என்பவர் ஓட்டினார். பேருந்து இளையாண்டிப்பட்டு அருகில் வந்தபோது அந்த வழியாக விழுப்புரத்தில் இருந்து-திருக்கனூர் நோக்கி சென்ற டிப்பர் லாரி, பேருந்தின் பக்கவாட்டில் எதிர்பாராதவிதமாக மோதியதுடன், அருகில் இருந்த மின்கம்பத்திலும் மோதி நின்றது.

இதில் மின்கம்பம் முறிந்து சாய்ந்தது. மேலும் பஸ்சில் பயணம் செய்த வீடூர் கிராமத்தை சேர்ந்த புருஷோத்தமன் மகள் புருஷா (13), தரனேந்திரன் மகன் தர்ஷன் (7), விக்னேஷ் மகன் அதர்வா (4), பாலசுப்பிர மணியன் மகள் ஹரிணி (10), பாலசுப்பிரமணியன் மகன் அரிகரன் (5) ஆகிய 5 மாணவர்களுக்கு காயம் ஏற்பட்டது. இவர்கள் 5 பேரும் முண்டியம்பாக்கம் அரசு மருத்துவமனையில் அனுமதிக்கப்பட்டு சிகிச்சை பெற்றனர்.

இதனிடைய விபத்து குறித்து அறிந்த தும் சம்பவ இடத்திற்கு விரைந்து வந்த மின்வாரிய அதிகாரிகள் சேதமடைந்த மின்கம்பத்தை சீரமைத்தனர். விபத்து குறித்த புகாரின்பேரில் விக்கிரவாண்டி போலீசார் லாரி ஓட்டுநர் அய்யப்பன் (47) மீது வழக்குப்பதிவு செய்து, விசாரணை நடத்தி வருகின்றனர்.