விக்கிரவாண்டி தாலுகா அலுவலகத்தில் தேர்தல் செலவின பார்வையாளர் ஆய்வு

விழுப்புரம் நாடாளுமன்ற தொகுதி தேர்தல் செலவின பார்வையாளராக நியமனம் செய்யப்பட்டுள்ள ராகுல் சிங்கானியா விக்கிரவாண்டி தாலுகா அலுவலகத்திற்கு வருகை தந்தார். பின்னர் அவர் அங்கு நடைபெற்று வரும் தேர்தல் பணியை பார்வையிட்டு ஆய்வு செய்தார். அப்போது வேட்பாளர்களின் செலவுகளை எவ்வாறு சரிபார்க்க வேண்டும் என்பது பற்றி தேர்தல் அதிகாரிகளுக்கு ஆலோசனை வழங்கினார்.

பின்னர் விக்கிரவாண்டி சுங்கச்சாவடியில் வாகன தணிக்கையில் ஈடுபட்டிருந்த தேர்தல் நிலை கண்காணிப்பு குழு அதிகாரிகளுக்கும் பல்வேறு ஆலோசனைகளை வழங்கினார். அப்போது தொகுதி உதவி தேர்தல் செலவின பார்வையாளர் ஞானவேல், கூடுதல் தேர்தல் உதவி அலுவலர் ரகுராமன், நேர்முக உதவியாளர்கள் தணிக்கை ஆனந்தன், ரமேஷ், தொடர்பு அலுவலர் ஜோசப், தேர்தல் தனி தாசில்தார் வெங்கடேசன் உள்பட அதிகாரிகள் பலர் உடனிருந்தனர்.