பட்டப்பகலில் வீடு புகுந்து திருடிய வாலிபர் கைது.

நித்திரவிளை அருகே பள்ளிக்கல் பகுதியைச் சேர்ந்தவர் ஜெபராஜ் மனைவி பிளாறி ஜெபராஜ்.கணவர் இறந்து விட்டதாலும், இவரது இரண்டு பிள்ளைகளும் வெளி நாட்டில் வேலை பார்த்து வருவ தாலும் பிளாறி ஜெபராஜ் தனியாக வசித்து வருகிறார். இந்நிலையில், தனது வீட்டின் முன்பக்க கதவை தாழிட்டு விட்டு மேல் மாடியில் துணிகள் காய போட சென்று உள்ளார்.

திரும்பி வந்த போது வீட்டின் முன் பக்க கதவு திறந்து கிடந்தது. இதை கண்டு அதிர்ச்சி உள்ளேசென்று பார்த்த போது படுக்கை அறையில் உள்ள பீரோவும் திறந்து கிடந்தது. மேலும், பீரோவில் இருந்த மூன்றரை பவுன் நகை மற்றும் 10 ஆயிரம் ரூபாய் திருடப்பட்டு இருந்தது. இது தொடர்பான புகாரின் பேரில், நித்திரவிளை போலீசார் வழக்குப்பதிவு செய்து விசாரித்தனர். இதில், திருட்டில் ஈடுபட்டது பள்ளிக்கல் பகுதியைச் சேர்ந்த வில்சன் மகன் அனீஷ் என தெரியவந்தது.இதை அடுத்து அனீஷை கைது செய்த போலீசார் அவரிடம் இருந்து பிளாறி ஜெபராஜ் வீட்டில் திருட்டு போன நகை மற்றும் பணத்தை மீட்டனர்.