மனைவி மர்ம மரணம் - தலைமறைவு கணவன் கைது

கன்னியாகுமரி மாவட்டம் நித்திரவிளை அருகே உள்ள சின்னத்துறை பகுதியை சேர்ந்தவர் ஷாஜன்.இவரது மனைவி ஷானிகா.இவர்கள் இருவரும் கடந்த 8 ஆண்டுகளுக்கு முன்பு காதலித்து திருமணம் செய்து கொண்டனர். இவர்களுக்கு குழந்தைகள் இல்லை. இந்த நிலையில் கடந்த 10 நாட்களுக்கு முன்பு ஷானிகா வீட்டில் மயங்கிய நிலையில் கிடந்தார். அவரை சிகிச்சைக்காக ஆஸ்பத்திரி கொண்டு சென்று பரிசோதனை செய்த டாக்டர்கள் ஷானிகா ஏற்கனவே இறந்து விட்டதாக கூறினார்கள்.

நித்திரவிளை போலீசார் மர்ம மரணமாக வழக்கு பதிவு செய்து விசாரணை மேற்கொண்டனர்.இதற்கிடையில் சாஜன் தலைமறைவாகிவிட்டார். அவரை போலீசார் தேடி வந்தனர். பிரேத பரிசோதனை செய்ததில் ஷானிகா கழுத்தில் எலும்புகள் உடைந்து இருந்தது தெரிய வந்தது. போலீசார் சாஜனை பிடிக்க தனிப்படை அமைத்து தேடிய நிலையில் திருவனந்தபுரம் பகுதியில் வைத்து அவரை கைது செய்தனர்.