சேத்தூரில் கிராம மக்கள் பஸ்ஸை மறித்து மறியல் போராட்டம்

திண்டுக்கல் மாவட்டம், நத்தம் அருகே துவரங்குறிச்சி செல்லும் சாலையில் சேத்தூர் கிராமம் உள்ளது. இந்த கிராமத்திலிருந்து காலை 9 மணிக்கு வரும் வகையில் அரசு டவுன் பஸ் இயக்கப்பட்டு வந்தது. இந்த பேருந்து சுற்றுவட்டாரப்பகுதியைச் சேர்ந்தவர்கள் பள்ளி, கல்லூரி, அலுவலகங்களுக்கு சென்று வர வசதியாக இருந்து வந்தது.

ஆனால் தற்சமயம் அந்த பேருந்து முறையாக இயக்காமல் 9.30 மணியளவில் இயக்கப்படுவதால் அனைவரும் சிரமம் அடைந்து வருகின்றனர். எனவே பேருந்துகளை முறையான நேரத்திற்கு இயக்க வலியுறுத்தி கோரிக்கை மனு கொடுத்தும் நடவடிக்கை எடுக்காததால் சேத்தூர் கிராம மக்கள் திடீர் சாலை மறியலில் ஈடுபட்டனர்.